ازاي ابدأ في تربية الحمام
الحمام من اسهل
الطيور في التربية والذي يتأقلم مع الظروف المحيطة ودرجات الحرارة و المكان ولا
يحتاج الي مكان كبير ذو مواصفات محددة انما المكان يكون بسيط جدا ولا يحتاج الي
مكان مجهز بشكل عالي انما مكان بسيط جدا ذو مواصفات ابسط هنوضحها من خلال المقال
تابعوه..
مميزات تربية الحمام عن باقي الطيور
سهل التربية
غير مزعج وصوته
غير عالي
مشاكلة قليلة وحتي
العلاجات مش غالية وليها بدائل اعشاب و ادوية بيطرية و بشرية
يتكيف مع الجو
المحيط من حيث الحرارة و البرودة
هل الحمام طائر موسمي الانتاج ؟؟!
الحمام طائر دائم
الانتاج وليس موسمي كما في الاوز ، لكن الانتاج يقل و يزيد في اوقات معينة يقل في
فترة القلش التي تكون مش شهر 7 حتي منتصف شهر 10 او بداية شهر 11.
افضل الاوقات لبدئ تربية الحمام ؟
من افضل الاوقات
للبدء في تربية الحمام هو بداية الصيف و الجو المعتدل شهر 4 و 5 حيث بيكون هذا
الوقت اقل عرضه للامراض و الجو معتدل
اجيب حمام زغليل ولا شغال ؟؟!
الزغاليل هتقعد
حوالي 6 شهور عشان تشتغل وهتزهق ، الافضل هات حمام علي وش شغل يكون قدامه شهور ولا
حاجة عقبال ما يشغل هيكون اخد علي المكان
مواصفات المكان الي هتربي فيه الحمام وطرق تربيته
هناك اشكال كثيرة لتربية الحمام غير باقي الطيور حيث يمكن تربيته في البلكونة او غرفة علي السطح مخمسات في البلكونة او السطح او غرفة مغلقة وامنه ويتم وضع جرادل او صناديق بلاستيكية او خشبية او ما شابه لجعل الطيور تبيض فيها و الاواء لها ليلا
هناك ثلاث طرق لتربية الحمام
سايب وبيكون محبوس
في غرفة
محبوس بيكون محبوس
في عين في الابعاد المذكورة فوق و صورتها للتوضيح اكثر
نش هيكون الحمام طاير
في الجو
لو هتربي سايب يبقي لازم
-
نضع العشوش و ترتيبها و عدم تغير مكانها كل
شوية
-
ان لايفوق عدد الاناث الذكور بحيث يكونوا
متساويين او ان الاناث اكثر من الذكور ولكن يفضل ان يكونوا متساويين حتي لا يحدث
تشاجر بين الذكور اوقات التزاوج
-
ان يتم وضع العشوش و اماكن البيض بعدد مساوي
للقصوص او اكثر منهم حتي لا يحدث تشاجر علي الاماكن
-
عزل وحبس الطيور المشاغبة و كثيرة المشاكل
العدائية
** المتابعة الجيدة للقصوص و الزغاليل اليومية
المخمسات ومكونة من عيون وكل عين (المكان الي بيتم وضع فيه القص) بيكون ليها ابعاد معينه 50*60 سم والارتفاع بيكون 40 سم للتربية محبوس
المواصفات التي يجب توافرها في مكان الحمام :-
يجب تتواجد الشمس
الهادئ الصباح البار و بعد العصر في المكان بشكل يومي
جيد التهوية وعدم
دخول الهواء القوي
خالي من الحشرات
ونظيف
ان يكون حجم
المكان مناسب للعدد
ان يكون المكان
محكم الغلق لعدم دخول العرس والفئران وتفادي الخسائر التي تسببها
انواع الاواني المستخدمه في تربية الحمام :-
هناك نوعان اواني
فخارية واواني بلاستيكية
الاواني الفخارية تمتاز بــ:
بسهوله تنظيفها
عدم تسخين المياه
والحفاظ علي برودتها
مشاكلها : اكثر
عرضه للكسر
الاواني البلاستيكية
تسخن المياه
بعض حوافها تكون
حادة قد تسبب جروح للطيور
خفيفة قابله اكثر
للوقوع واقل عرضة للكسر
الافضل نستخدم الاواني الفخارية لقلة مشاكلها
** بيكون عندنا
دستتين صغيرين واحده للاكل وواحده للماء بجانب طاجن للكبير للبيض والزغاليل بيكون
فخار
دا طاجن البيض
كدا احنا اتكلمنا تقريبا عن كل حاجة ندخل بقي علي الجد
انت عاوز تربي ليه ...؟! ايه هدفك ..!
في ثلاث اهداف
للتربية اول حاجة هي :
اللحم ودا هنتكلم عنهم من خلال الانواع الي هتعرفها من خلال المقال
نش و دا بمعني انك
تطير الحمام في الجو وافضل الانواع والي برضوا اتكلمنا عنها من خلال المقال
افضل الانواع :-
انواع الحمام
حوالي 4000 نوع حول العالم وبالطبع ليس جميعها متوفر في بلادنا وكل بلد تتوفر بها
انواع و المسميات تختلف من بلد للاخري .
من خلال مقالنا
هنتحدث عن المسميات في جمهورية مصر العربية .
الافضل البدئ
بأنواع رخيصة الثمن و جيدة في تحضين البيض والزغاليل و احجامها كويسة هذا يتوفر في
الانواع التالية :
الحمام الزاجل
الحمام الكريزلي
الحمام البلدي
الحمام التلتنات
هنتحدث قليلا عن
كل نوع
اولا : الحمام الزاجل
يوجد منه العديد
من الالوان الحمري والمفصص و الازاري والكريمي و ...الخ
مواصفاته حجمه
متوسط ، سريع الطيران ، كان يستخدم في ارسال الرسائل قديما ، المنقار بيكون قصير و
عريض كما في الصورة
سعر القص الشغال
حوالي 100 جنية
سعر الزغلولين
حوالي 70- 80 جنية
ثانيا : الحمام الكريزلي
بيكون اولوانها
ملطشه كما في الصورة الاتية وكما منها الوان كاملة في الجسم كالابيض والاسود ..الخ
مواصفاته حجمه في
مثل حجم الزاجل والبلدي و المنقار طويل نسيبا و مقبلي لفوق قليلا رقبته طويله
نسيبا ورفيعة
سعر القص الشغال
حوالي 100 جنية
سعرالزغلولين
حوالي 60- 80 جنية
ثالثا : الحمام البلدي
الحمام البلدي وهو
اكثر الانواع المنتشرة ، وهو منه سلالة نقية ولكن اصبحت نادرة واي حمام بيكون خليط
بين نوعين او اكثر بيندرج تحت الحمام بلدي
سعر القص الشغال
حوالي 55-65 جنية
سعرالزغلولين
حوالي 35-40 جنية
مواصفاته لانه
اصبح خليط بين انواع فمواصفاته غير ثابته لكن كل فرد لا يتبع لاي نوع او فصيله
معينه يسمي بلدي ..الحمام ذو المنقار الطويل والرفيع بيكون بلدي كما في الصور
التالية
رابعا : الحمام التلتنات
كل الانواع
المذكورة فوق ( بلدي – كريزلي – زاجل) احجامها متقاربة اما التلتنات فحجمها يفوقهم
بشكل بسيط و ملحوظ
هي بتكون خليط بين
الحمام الرومي و( الزاجل او البلدي او الكريزلي)
ويتبع فصيلة
الحمام التقايل
سعر القص الشغال
150- 200جنية
سعر الزغاليل
حوالي 60-80 جنية
ليه الانواع دي بشكل خاص ابدأ بها ؟!
مشاكلهم قليلة ولا يحتاجوا خبرة للتحضين
كويسين في تحضين البيض وتأكيل الزغاليل
مناعهم كويسة
يتحملوا تقلبات الجو المفاجئه
***متوفر الوان اخري للانواع المذكورة وسيتم توضيحها في مقال اخر منفصل
ملحوظات هامة جدا للتربية
اكاذيب حول تربية الحمام
ان النتاية ممكن
تبيض اكثر بيضتين ولكن هذا غير حقيقي ، وقد يكون سببها نتايتين واخدين بعض او
نتايتين باضوا مع بعض في نفس المكان.
نسبة التزاوج في
الحمام 1:1 بمعني كل ذكر لكل انثي و نادرا لما دكر ياخد اكثر من انثي ولكن يفضل ان
نفصلهم و نكتفي بواحده فقط تفاديا لمشاكل كثيرة قد تحث سنوضحها في مقال منفصل
دراسه جدوي عن تربية الحمام
الاسعار تختلف من
منطقة لاخري وايض علي حسب نوع الاكل و الادوية وكل المصاريف قد تختلف من شخص لشخص
اخر
حساب كمية الاكل
والادوية و كل المصاريف المقدمه للقص لوحده في حالة وجود زغاليل و في حالة وجود
بيض حساب كمية وتجميها وتساوي كام
و تجميعها وفي
حالة ان المصاريف و مقارنته بسعر الفرد او الزغلولين الموجود في المنطقة عندك
وتبدأ تقارن
من خلال تربيتي
انا مش بربي بهدف الربح لكن انا بربي بهدف الهواية مش اكتر
اتمني ان تكونوا
استفتم
إرسال تعليق