اهم 5 اسئلة منتشره عن تربية الحمام
السؤال الأول : هل من الممكن ان نتاية تبيض اكثر من بيضتان
سؤال يتردد كثيرا طوال الوقت ، من الطبيعي ان الحمام تبيض بيضتان وفي حالة انها تبيض بيضة واحدة بيكون سبب مشكلة و حلها ساهل ، وفي حالة ان نتاية تبيض اكثر من بيضه .. عن تجربة شخصية بيكونوا نتايتين
لكن كان موجود في كتاب كنت قرأته قبل كدا لمهندس زراعي كان بيقول ان النتاية لو باضت اكتر من بيضتان بيكون سببه خلل في المبايض و بيكون البيض غير مخصب .
لكن انا متعرضتش للمشكلة دي بشكل شخصي ،، كما انها نادرة جدا جدا جدا
لكن انا مصر علي قولي ان لو باضوا 4 بيضات بيكونوا نتايتين في الحالة دي هتعمل
1. لو بتربي سايب ممكن نتايتين ياخدوا بعض و يبيضوا ويرقدوا ،انما لو البيض مخصب بيكونوا نتايتين رقدوا في نفس المكان وواحدة هي الي بتعتني بالبيض و في الحالة دي هنوزع البيض الزائد علي نتايات تكون بايضة في نفس التوقيت و معاها بيضة واحدة
2. لو بتربي مقفول او محبوس يبقي دول نتايتين و لازم تجبلهم دكرين
وهذا كل ما اعلم في هذا الموضوع
السؤال الثاني : ما هي الكلفة و مكوناتها
الكلفة هي اكل او خلطة اكل الحمام
و مكوناتها
المكونات الاساسية
5 كيلو ذرة عويجة
2.5-3 كيلو ذرة صفراء صغيرة
1-1.5 كيلو فول حمام صغير
نص – كيلو الا ربع بسلة ناشفة
المكونات الغير الاساسية
وتكون بمقدار صغير لا يتعدي نص كيلو
قرطم – بذر كتان – علف دواجن – عدس – بذور فجل و جرجير
ملحوظات هامة
العلف لا يسبب اضرار اذا خلط كمية صغيرة مع الكلفة .. وهي غير ضرورية
العدس مهم جدا في الشتاء و لا يجب الاستغناء عنه في هذا الفصل و البرد القارص
السؤال الثالث : ينفع انقل مكان الحمام لو بايض
لا لا لا لا .. لان الحمام هيسيب البيض و مش هينام عليه و البيض هيبوض و يفضل انك متنقلش لحد ما الزغاليل تبلغ اسبوع
السؤال الرابع : افضل طريقة للتنظيف و التطهير
يتم ازاله روس الطيور بألة حادة و رش المكان بــ كلور و بعد ما المكان ينشف رش جير مطفي
دواء الحشرات لقتل الحشرات لو المكان فيه الحشرات او ريش الحمام بس اهم حاجة ميجيش علي رأس الحمام او الطائر ولا يشرب منها و اطلب منه البيطري و اتبع الجرعة الي هيبلغك بيها
السؤال الخامس : ما هي التحاديق و افضل طريقة لعملها في البيت بأقل التكاليف
التحاديق من اهم المكونات الطبيعية التي توفر للطائر عناصر كثيرة جدا اهمها الكالسيوم بتوازن بدون حدوث اي زيادة او افراط في عنصر مما يسبب في خلل في جسم الطائر ، ووضع التحاديق يهيئ للطائر وجودة في الطبيعة بشكل بسيط ولو 1%
ويفضل وضع التحاديق امام الحمام طوال العام وطوال الوقت
بعض من المعادن التي يوفرها التحاديق للطائر (اوميجا 3 – املاح امينية – كالسيوم – فسفور – صوديوم- ........وغير ذلك من المعادن المهمة )
و احنا هنتعلم ازاي تعمل التحاديق بأبسط الامكانيات في البيت و غير مكلفة
طريقة التحضير
1 ك رمل مصفي من الزلط
1/2 ك صدف من عند العلاف
5 قطع عظم سيبيا (عظم سمك) مطحون من محلات الحيونات الاليفة
2قطع فحم مطحون
طوب احمر مطحون
2 كيس ملح ناعم
ملحوظة : لا يجب استخدام الفحم مع ادوية الكالسيوم و الفيتامينات لانه يمتصها .... بجانب انه مفيد جدا في قتل البكتريا الضارة الموجودة في امعاء الطائر
طريقة التقديم
ليس هناك طريقة معينة لتقديمه
1. في المحضن تحت البيض والزغاليل
2. في دسته او اناء مخصصه له يوضع للطيور باستمرار
3. بجانب طرق تانية كتييييييييييير بس دول اكتر طرقتين بتعموا
اتمني انكم تشاركوا في جروبنا المخصص لكل انواع الطيور والارانب
و قناة اليوتيوب
***********************
***********************
إرسال تعليق