مواصفات و انواع الحمام الكشك و مميزاته و عيوبه و تأكيل للزغاليل و العناية بالبيض

كل شئ يخص الحمام الكشك

الحمام الكشك من افضل انواع الحمام و من اكثرهم جمالا شكلا و ترتاح العين عندما تراه .

الحمام الكشك من الحمام المميز والذي يجعل المربي يميزه من بين ألف نوع اخر لمعرفة كيف اتمني متابعة باقي المقال لمعرفة التفاصيل الباقية

الحمام الكشك له تقاليب (مستوايات) كتيره جدا
الحمام الكشك يعتبر من الحمام الزينة و الحمام النش و له مستوايات كتيرة جدا ومن ضمنها الشعبي وسعره لا يتخطي 50 جنية للفرد وكمان يعتبر من حمام المبتدئين

اسعار الحمام الكشك

الزغاليل سعرها يبدأ من 30 جنية الي آلاف الجنيهات

الحمام الكبير الشغال (قصوص) يبدأ من 100-150 جنية الي آلاف الجنيهات .

المواصفات القياسية للحمام الكشك

1- كلما قصر طول ارجل الفرد ازداد مستوي الفرد

2- كلما صغر حجم الفرد ازداد مستوي الفرد

3- كلما قل حجم المنقار ازداد مستوي الفرد .. كما في الصورة التالية

4- كلما اصبحت رأس الفرد علي شكل دائرة ازداد مستوي الفرد .. كما في الصورة التالية

5- كلما انضبط لون الفرد وعدم وجود تلطيش ازداد مستوي الفرد

6- وجود كشكه او فله او فراشة في رقبته الفرد ، وجود شراب قصير يغطي الاصابع (ريش في ارجل الفرد) ، وجود برنيطه (ريش اعلي الرأس ) للتوضيح اكثر انظر الصورة الاسفل

7- و انضباط لون درب العين

طبع و صفات الحمام الكشك (مميزاته)

1-حمام جميل الشكل وشقي

2-ممتاز في تحضين بيضه

3-كويس في الانتاج

عيـــــــــــــــــوبه

1- مش كويس في تأكيل الزغاليل خاصة كلما عليت في مستوي الفرد بيحتاج حضان وده الافضل طبعا، لكن لو اضطريت انك تسيب الزغاليل انه يعتني بيهم يبقي يبجب انك تتابع معاهم ولو مأكلوهوش كويس يبقي تساعد معاهم في التأكيل اليدوي

لكن لو مستوي شعبي او مستوي ضعيف بنسبة كبيرة جدا بيأكل زغاليله كويس عكس المستوي العالي او القوي زي ما وضحت قبل كده

انواع الحمام الكشك

الحمام الكشك بينقسم لــ ثلاث اقسام بسبب اللون

اولا : الحمام الكشك الكامل

وده بيكون لون الجسم واحد بدون وجود اي تلطيش لون اخر في جسم الفرد

ثانيا : الحمام الكشك الاكتاف

وهذه هي الفئه الاكثر تربية لدي المربيين بدون اي غني عن فئه الكوامل و الاكتاف الديول ، بيكون لون الجسم ابيض ماعدا لون الاكتاف لون مختلف

ثالثا : الحمام الكشك الاكتاف الديول

بيكون لون الجسم ابيض ماعدا لون الاكتاف و الديول لون مختلف

هنستكمل موضوعنا بالتفصيل و الشئ الاول الذي سنتحدث عنه هو ..

**ملحوظة هامة جدا :الكلام السابق يطبق علي كل انواع الحمام الكشك الاختلاف الوحيد هو في لون الفرد (توب الفرد)و لون العين(درب العين) وهذا ما سوف نوضحه في التالي.