الحمام الهزاز
الحمام الهزاز من اجمل وانواع الحمام الموجودة ومن ارخصها حمام مميز من اول ما تشوفه تعرفه وتميزه ،من أجمل انواع الحمام الموجودة ومن ارخصها ثمن ،حمام مميز من اولما تشوفه تعرفه وتميزه ولو بين ألف نوع.
كمان هو يعتبر افضل بداية لأس شخص عاوز يبدأ في تربية الحمام الزينة(يشترط يكون عنده خبره ولو قليله)ليه!!؟.
لان ثمنه رخيص ولان هو هيحببك في الباب ده سعره يبدأ من 100ج - ما لا تتخيله
طبع الحمام الهزاز
كما قلنا قبل ذلك هو حمام مميز و شكله جميل يخليك وتنبهر لما تشوفه و العين تحبه وتعجب بيه .. نرجع لموضوعنا الاساسي طبع الحمام الهزاز ..حمام متباهي بشكله ، فخور ، حمام قليل المشاجرة هادي ، غير قادر علي الطيران جيدا ان ممكنيرتفع علو صغير مترين او ثلاثة ،حمام جيد وممتاز في تحضين بيضه ،جيد في زق الزغاليل ، جيد في الانتاج .
المواصفات السائدة في أنواع الحمام الهزاز
الحمام الهزاز باب وبينقسم لأنواع بتندرك او تنسب للحمام الهزاز .. المقصود بالصفات السائدة بمعني انها موجودة في كل انواع الحمام الهزازالرقبة علي شكل حرف (S)، وصفة هز الرقبة دي الصفة الي موجودة في كل انوا الحمام الهزاز والتي تم تسميتها علي أسمه
طبعا دلوقتي بتسأل نفسك ..
س : هتسأل نفسك سؤال هو مش بيكون في ديل كبير و مرفوع و مفرد راح فين ده ؟!
ج:هقولك لا .. لان في انواع منه مفيهاش الديل ده بيكون ديل عادي زي اي حمام عادي زي الموكي و الكوبرا ..
تابع معانا قرأه المقال لتستفيد أكتر
أنواع الحمام الهزاز
في الاول هنتكلم عن الحمام الهزاز و هنتكلم عن الحمام الي وراه طاره مفروده او ديل بيكون مفرودالحمام الهزاز الفانتيل
يتميز بــ قصر الرجل و كلما قصرت كلما زاد من سعره ، طارده مفرودة جدا بدون اي انكسار او تقويس ،الجسم للوراء مقلوب جدا ،وجود برنيطة او طرطور ارجل خالية من الريش .
ألوانه : الاسود و الاحمر ، الاكول (الاصفر) ، الابيض
الحمام الهزاز الامريكي
يتميز بـ حجم كبير جدا ، ديل كثيف جدا قد يصل الي 40 ريشه او أكثر ومش بيكون مرفوع زي ما في الصورة تحت ،وبيكون مقوس وكمان في طرطور و شراب متوسط في الطول
ألوانه الاسود ، و البني ، و الازرق ، و الاكول (الاصفر ) ، رتش ألمون ، وفي منه الوان متداخله زي التايجر
الحمام السلك
يتميز بـ رجل صغيرة ، حجم متوسط الجسم ،وبيقلب للوراء وصدر عريض ، مفيش بورنيطة او شراب
حمام غريب جدا شكله يخليك تقل دي مش حمامه نادر جدا انك تلاقيه لان في عدد قليل بيربيه ، ريش جسمه كله سلك من الديل بس
الافضل يكون لون العين ملحي (ابيض لؤلؤي) لانه بيعلي مk تقاليبه و يزيد ثمنه
الوانه يتميز بألوان عديدة منها الاصفر ، ابيض .
الهزاز الهولندي
الوانه : اهم ما يميز هذا النوع ان يكون لون الفرد واحد بالكامل أبيض ،احمر ، اسود ،أكول .
الهزاز الهندي
يعتبر من اجمل واششهر انواع الحمام الهزاز و متوفر بكثرة
اهم ما يميزه : صغير الحجم ، متوسط في طول الارجل ، طاره مفروده مع شوية تقويص ، ويتميز بوجود برنيطة و شراب
ألوانه : الابيض والاسود و الاحمر
الهزاز الهندي ديول
زي مواصفات الحمام الهزاز الهندي كما وضحنا سابقا لكنه يختلف في الوانه
الوانه : لون الجسم ابيض ماعدا الديل لون مختلف مثلا : أسود - احمر - اصفر ... الوان اخري كثيرة
الهزاز الهندي أكتاف
زي مواصفات الحمام الهزاز الهندي كما وضحنا سابقا لكنه يختلف في الوانه
الوانه : لون الجسم ابيض ماعدا الاكتاف لون مختلف مثلا أسود - أحمر - اصفر ... الوان اخري كثيرة
الهزاز المصري
حمام شبه عادي ، معندهاش شربات او برنيطه ، طاره صغيرة غير كثيفه مع شوية تقويص .
الوانه : اكثر الوانه انتشارا هو اللون الابيض
الهزاز المصري ديول
زي مواصفات الحمام الهزاز المصري كما وضحنا سابقا لكنه يختلف في الوانه
الوانه : لون الجسم ابيض ماعدا الديل لون مختلف مثلا : أسود - احمر - اصفر ... الوان اخري كثيرة
الهزاز المصري اكتاف
زي مواصفات الحمام الهزاز المصري كما وضحنا سابقا لكنه يختلف في الوانه
الوانه : لون الجسم ابيض ماعدا الاكتاف لون مختلف مثلا أسود - أحمر - اصفر ... الوان اخري كثيرة
الهزاز العبسي
الوانه : لون الديل ابيض و لون الجسم مختلف اسود - احمر - اصفر - كركندي
الهزاز الفولجا
نوع حمام هزاز جميل جدا .. حجمه صغير ، طول الارجل صغير ، معندهاش برنيطة لكن عنده شربات وديله عامل زي مقشة الخيش ، عنده لطشتين لونهم ابيض في جانب المنقار ، جزء من الجناح بيكون لون الفرد كــــلون الفرد و الباقي لونه ابيض و الديل في شريط ابيض في النهاية ، عضمه صغير شوية
الوانه : لون الجسم ابيض ماعدا الرأس بخلاف اللطشتين البيض و نص الجناح و الديل بخلاف الشريط الابيض في اخر الجناح وبيكون لونهم اسود - احمر - .... او اي اللوان اخري كما هو موضح في الصورة اسفل
الهزاز الروسي
بعتبره شخصيا من اجمل انواع الحمام الهزازاهم ما يميزه حجمه صغير ، الديل مش مفرود عامل زي مقشه الخيش وبيكون مش مرفوع ، لاصدر مش بيقلب جامد ،ومش بيهز رقبته طول الوقت ، وبيكون برنيطه ومن غير برنيطه ، منقاره مختلف عن باقي الحمام الهزاز قصير (كما هو هو موضع في الصورة اسفل)
ألوانه : الجسم لونه ابيض و الديل لون مختلف زي الابيض و الاحمر و الاصفر والوان اخري
الهزاز الموكي
ديله زي اي فرد عادي ، رقبته علي شكل حرف (S) راجعه للوراء شوية لكن مش بيقلب و جسمه راجع للوراء شوية ، في حته بيضة في رأسه ، حجمه صغير ، اخر رشتين في الجناح لونهم ابيض، عنده برنيطه لكن مفيش شرابألوانه كتيير جدا مثلا أسود - ازرق- اصفر .........
الهزاز الكوبرا
من أغلي انواع الحمام الهزاز ديله عادي جدا زي اي فرد حمام عادي لكن بيختلف عن ولاد عمه الهزاز الباقي ، لانه طويل ورفيع و رقبته طويله و الي بتتهز باستمرار و جسمه راجع لوراء شوية لكن مش بيقلبالوانه : بيكون لون الجسم واحد زي الابيض - الاحمر - الازرق - الاصفر
أسئله شائعة تتعلق بالحمام الهزاز
س 1 : الحمام الهزاز مش بيشتغل كويس و انتاجه قليل ؟
لا .. الحمام الهزاز من افضل الحمام في الانتاج الي ربتها وممتازين في الشغل
س2 : الحمام الهزاز مش بيحضن البيض بتاعه أو مش بيأكل زغاليله ؟
لا.. الحمام الهزاز من أفضل أنواع الحمام الي بتحضن البيض بتاعها هو بيأكل كويس لكن هو يدوب بيشبعهم وممكن نديله 9.5 من 10 ومش لازم تحضن له هو بيأكل كويس
س3 : الحمام الهزاز بيروق الحصي حتير بسبب الريش الديل ؟
مش هنكر اني اتعرضت للمشكلة دي مع الحمام الهزاز لكن حليتها بطريقة تانية مقصت ريش الديل و انها بتحصل مع الحمام الهزاز بيكون ديله ثقيل جدا زي الامريكي مثلا (اضغط هنا لحل مشكلة البيض الغير المخصب )
س4 : الحمام الهزاز مينفعش يتحبس لازم يكون مطلوق
الحقيقة مش لازم عادي لو اتحبس مش هيكون في اي مشاكل
اتمني ان تكونوا استفتم بأكبر قدر ممكن
و متنسوش تشتركوا في قناة اليوتيوب و جروب الفيس بوك الخاص بنا
إرسال تعليق